Der heutigen Meteoblog kommt im Kleid einer Kurzgeschichte daher. Im Text haben sich einige Bündner Ortschaften versteckt. Finden Sie alle 27? Schreiben Sie die Lösung(en) in die Kommentarspalte! (Gute Geografie-Kenntnisse oder eine Karte sind von Vorteil, die Namen können sich auch über zwei Wörter erstrecken oder sich innerhalb eines Wortes verstecken)
Im schönen Graubünden planen Moritz und Martina, mit Hilfe eines Kollegen die Hausfassade neu zu streichen. Nach der langen, tiefdruckbestimmten und niederschlagsreichen Periode lädt der stahlblaue Himmel regelrecht dazu ein.
Im Hintergrund erklingt das Donnern einer Lawinensprengung.
Moritz: «Was sind das für Grüsch? Chunts öpe go gwittere?"
Martina: «Dä Andeer! Natürlich nöd, wie sölls bi sonere stabile Nebellag im Winter go gwittere cho?»
Martina: «Aber chum, zur Sicherheit luegi doch mal ufd MeteoSchwiiz-App. Det git’s en Huufe Informatione und mängisch sind d’Vorhersage au nöd komplett dänäbed.»
Das im Vergleich zur letzten Woche gähnend leere Radarbild bestätigt Martinas Vermutung. Auf dem Satellitenbild ist die Hochnebelverteilung schön zu sehen.
Moritz: «Läck, zum Glück simmer nöd under em Nebel, sondern da vos schön isch! Jetzt müemer aber loslah! Wo isch dänn dä Wolfgang, cunt er wieder mal z’spat?»
Kaum ausgesprochen, trifft Wolfgang mit seinem Porsche Carrera im Tiger-Mustér ein. Top motiviert, gleich loszulegen.
Wolfgang: «Sali zäme, sorry für d’Verspätig!»
Moritz: «Scho guet, aber jetzt müemer afange, solangs na sunnig und einigermasse mild isch»
Wolfgang: «Und, wie malemer d’Fassade a?»
Moritz: «Mit em Pinsel dänk, oder wotsch mit eme Schwert oder Degen striche?»
Wolfgang: «Ich meine natürlich, mit welere Farb maled mer d’Fassade a, rosa öpe?»
Moritz: “Rosa?! Sertig sache machemer da nöd. Vals rosa, würd ich grad uszieh!»
Wolfgang: «Rosa isch aber rächt in Mode.»
Moritz: «Nei, mir macheds klassisch wiiss. Mer muess ja nöd jede Vuorz mitmache!»
Moritz, bereit zum ersten Pinselstrich, sieht, wie Martina und Wolfgang rumblödeln. Er wird ungeduldig.
Moritz: «Martina, sent jetzt nöd so chindisch, susch, ich versprichs, ich mal nöd d'Huusmuur a, ich mal oj a! Und latsch mer bitte nöd ständig in Wäg.»
Martina: «Meine Güte, da ischs ja wie im Kloster, s’Luschtige chunt definitiv z’churz!»
Sagts, und macht pinselschwingend den Anschein, als wollte sie Moritz bestreichen.
Moritz: «He, mal nöd mich a, mal ans Huus! Dä Putz wird’s der dankä!»
Endlich gehts los und die Drei Freunde streichen die Fassade bis zum Eindunkeln. Zum Abschluss konstatiert Wolfgang:
Wolfgang: «Suberi Büetz, obwohl mer am Afang schier s’Farbchübeli vodä Leitere gheit isch. Als Lohn gits jetzt en feine Donat!»
Martina: «Du söttsch aber chli uf dini Linie luege gäll!»
Moritz: «La dir das nöd usrede! Einä häts na immer mögä verträge.»
Wolfgang: «Amen, Sankt Moritz!»
Die Drei sind gut beraten, die Streichübung bald zu beenden. Denn es besteht die Möglichkeit, dass es ab Ende kommender Woche zum grossen Schnee in den Bündner Bergen kommen könnte.
(Die Auflösung mit allen Ortschaften folgt morgen als Kommentar)